سر پھوڑتی پھرتی تھی رخصت کی ہوا ہر سُو

کاجل تیری آنکھوں کا میری آنکھوں میں دَر آئے
میں بات کروں تجھ سے اور شام اتر آئے

کچھ روز تلک آنگن بھیگا ہوا رہتا ہے
بادل کی سی شال اوڑھے جب تو میرے گھر آئے

ہم دیکھتے ہیں تجھ کو بارش کے مہینوں میں
بھیگے ہوئے بالوں میں تو اور نکھر آئے

یہ لوگ میرے دل کو پیارے ہیں بہت لیکن
اس شہر سے کچھ پہلے تو مجھ کو نظر آئے

جس ہاتھ پہ دھرنا تھی قندیلِ حنا ہم کو
ہم اپنی سیاہی بھی اس ہاتھ پہ دھر آئے
سر پھوڑتی پھرتی تھی رخصت کی ہوا ہر سُو
سو ہم تیرے کوچے سے چپ چاپ گزر آئے