Saturday 16 February 2013

محبت ایک موسم ہے


مری آنکھیں سلامت ہیں
مرا دل میرے سینے میں دھڑکتا ہے
مجھے محسوس ہوتا ہے 
محبت کم نہیں ہوگی


محبت ایک وعدہ ہے
جو سچائی کی ان دیکھی کسی ساعت میں ہوتا ہے
کسی راحت میں ہوتا ہے
یہ وعدہ شاعری بن کر مرے جذبوں میں ڈھلتا ہے
مجھے محسوس ہوتا ہے 
محبت کم نہیں ہوگی


محبت ایک موسم ہے
کہ جس میں خواب اگتے ہیں تو خوابوں کی ہری
شاخیں 
گلابوں کو بلاتی ہیں 
انہیں خوشبو بناتی ہیں 


یہ خوشبو جب ہماری کھڑکیوں پر دستکیں دے کر 
گزرتی ہے
مجھے محسوس ہوتا ہے 
محبت کم نہیں ہوگی


No comments:

Related Posts Plugin for WordPress, Blogger...
Blogger Wordpress Gadgets