Kaho Wo Dasht Kaisa Tha?

Kaho Wo Dasht Kaisa Tha?
Jidhar Sab Kuch Luta Aaye,
Jidhar Aankhen Ganwa Aaye,
Kaha 'Sailab Jaisa Tha',
Bohat Chaaha Keh Bach Niklen
Magar Sab Kuch Baha Aaye,
Kaho 'Wo Hijr Kaisa Tha,
Kabhi Chhu Kar Usey Dekha,
To Tum ney Kaya Bhala Paya,
Kaha 'Bas Aag Jaisa Tha'
Usey Chhu Kar To Apni Rooh Yeh Tan Man Jala Aaye,
Kaho Wo Wasl Kaisa Tha,
Tumhen Jab Chhu Liya Us ney To
Kaya Ehsaas Jaaga Tha,
Kaha 'Ek Rastey Jaisa'
Jidhar Sey Bas Guzarna Tha
Makaan Lekin Bana Aaye,
Kaho 'Wo Chand Kaisa Tha?
Falak Sey Jo Utar Aaya,
Tumhari Aankh Men Basney,
Kaha, 'Wo Khawab Jaisa Tha'
Nahi Tabeer Thi Uski'
Usey Ek Shab Sula Aaye,
Kaho 'Wo IshQ Kaisa Tha?
Bina Sochey Bina Samjhey
Bina Parkhey Kiya Tum ney',
Kaha 'Titli K Rang Jaisa'
Bohat Kachha Sa
Jabhi Us ko Bhool Aaye,
Kaho 'Wo Naam Kaisa Tha?
Jisey Sehraaon Aur Chanchal;
Hawaaon Par Likha Tum ney,
Kaha, 'Bas Mausam Jaisa'
Na Jaaney Kis Tarah Kis Pal
Kisi Ro Men Mita Aaye...