Friday 29 March 2013

کیا عجب شے ھوں محبت نہیں ھوتی مجھ کو


اپنی تنہائی سے وحشت نہیں ھوتی مجھ کو
کیا عجب شے ھوں محبت نہیں ھوتی مجھ کو

اب کوئی بات نئی بات نہیں میرے لیے
اب کسی بات پہ حیرت نہیں ھوتی مجھ کو

یاد آتی نہیں بیتی ھوئی باتیں دل کو
یاد کر نے کی ضرورت نہیں ھوتی مجھ کو

دل کے جزبات سے اب کوئی تعلق ھی نہیں
حد تو یہ ھو گئی کہ نفرت نہیں ھوتی مجھ کو

سخت پہرہ میرے اندر ھی لگا رہتا ھے
سوچنے کی بھی اجازت نھی ھوتی مجھ کو

خواہش و وصل کہاں ، عشق کہاں ، باتیں کہاں
سانس لینے کی بھی فرصت نہیں ھوتی مجھ کو

اب سلگتا نہیں یادوں میں وہ مٹی کا دیا
تم سے ملنے کی بھی حسرت نہیں ھوتی مجھ کو


No comments:

Related Posts Plugin for WordPress, Blogger...
Blogger Wordpress Gadgets