Thursday 28 March 2013

Wo Shakhas kab ka Bichar Chuka Hai


Udas Lamho ,Ujaar Rutto.
Meray Takhayul say Door Bhaago

Yeh Neend Mujh sey bey-zaar hay Kyun
Iss Dukh ko Mujh sey hi payar hai Kyun

Yeh Log jo Meray Raah-baar Hain
Yeh Meri Sochon sey bey-khabar Hain

Yeh Mujh sey Kehtay Hain
Titliyon per
Jugnuon par
kitaab Likhoon
Keh Chahton ka Nisaab Likhon

Inhain main Kaisay Bataaun keh abb
Bahaar Mousam Guzar Chukay Hain

Udaas Bey-kal Khizan ka Mousam
Humaray Dil men Utar Chuka Hai

Humaray Qehqahon ka,Khushbuon ka
Wo Dour Kab ka Guzar Chuka Hai

Ab to Jeena Wabaal Apna
Na Roop-o-rang-o-jamal Apna

Tha jis ko Thora Khayal Apna
Wo Shakhas kab ka Bichar Chuka Hai


No comments:

Related Posts Plugin for WordPress, Blogger...
Blogger Wordpress Gadgets