Thursday 11 April 2013

Merey chehray sey wo apni har nishani ley gaya


Khauf aankho'n sey zuba'n sey har kahani ley gaya
mukhtasir yey hai wo meri zindaganii ley gaya

dey gaya mujh ko samandar ka sakoot ab mustaqil
meri tehreero'n sey darya ki rawani ley gaya

khaak ab urrney lagi, maidaan sehra ho gaye
waqt ka toofan daryaao'n sey pani ley gaya

bhiigay mausam ki baharain, aur barish ki mehak
merey hissay ki wo sab shaamain suhani ley gaya

kaun pehchanay ga ZARRE"N mujhko itni bheerr mai
merey chehray sey wo apni har nishani ley gaya

No comments:

Related Posts Plugin for WordPress, Blogger...
Blogger Wordpress Gadgets