Sunday, 26 May 2013

Bas Itanaa Hosh Thaa Mujhey Roz-E-Vidaa-E-Dost



Is Kaa Gilaa Nahii Keh Duaa Be-Asar Gaii
Ik Aah Kii Thii Wo Bhii Kahiin Jaa K Mar Gaii

Ay Ham-Nafas Na Puuchh Javaanii Kaa Maajraa
Mauj-E-Nasiim Thii, Idhar Aaii, Udhar Gaii

Daam-E-Gham-E-Hayaat Men Uljhaa Gaii Umiid
Ham Ye Samajh Rahey They Keh Ehasaan Kar Gaii

Is Zindagii Sey Ham Ko Na Duniyaa Milii Na Diin
Taqdiir Kaa Mushaahidaa Kartey Guzar Gaii

Bas Itanaa Hosh Thaa Mujhey Roz-E-Vidaa-E-Dost
Viiraanaa Thaa Nazar Men JahaaN Tak Nazar Gaii

Har Mauj Aab-E-Sindh Huii Waqf-E-Pech-O-Taab
Mehroom Jab Vatan Men Hamaarii Khabar Gaii 
Post a Comment
Related Posts Plugin for WordPress, Blogger...
Blogger Wordpress Gadgets