Thursday, 30 May 2013

Bohat he aam hai duniya,bohat he khaas hai tu


Mein khush naseebi hoon teri mujhay bhi raas hai tu
Tera libaas hoon men aur mera libaas hai tu

ajeeb shay hai muhabbat bhi,door hain lekin
Teray qareeb hoon mein meray aas paas hai tu

Kiya hai khud ko faramosh mein nay teray liye
Bohat he aam hai duniya,bohat he khaas hai tu

Zamana hum ko juda kar sakay,nhi mumkin
Muhabbaton men jo naakhun hoon mein to maas hai tu

Yeh rait si meray honton pay jamm gaee kesay
Mujhay gumaan tha keh darya hoon mein to pyaas hai tu

Yeh kaun teray meray darmiyan hai jaanaan
Keh mein bhi dard men hoon aur mehv e yaas hai tu
Post a Comment
Related Posts Plugin for WordPress, Blogger...
Blogger Wordpress Gadgets