Friday, 30 August 2013

Kutch din sey tera rang kahee'n jamm nahee'n raha


Kutch din sey tera rang kahee'n jamm nahee'n raha
lagta hai teri baato'n mai ab damm nahee'n raha

sho'lo'n ka roop ley liya jab sey hawaa'on ney
tab sey mera mizaj bhi shabnam nahee'n raha

zakhmo'n pey ab namak hi chhirahk dey ay chara'gar
gar terey ikhteyar mai marham nahee'n raha

kal shab chamak damak mai saitaro'n k darmiya'n
yeh zarra e haqeer bhi kutch kam nahee'n raha

kutch dair aisay ro k tabeeyat sambhal gayee
ab jaisay zindagi mai koi gham nahee'n raha

mai kya karoo'n NAEEM keh ab mera jazb e dill
manzil ki justajoo mai kahee'n ka nahee'n raha

Post a Comment
Related Posts Plugin for WordPress, Blogger...
Blogger Wordpress Gadgets