Wednesday, 14 August 2013

Merey Gumshuda


Abhi Waqt Hai
Abhi Saans Hay
Abhi Loat Aa
Merey Gumshuda
Mujhey Naaz Hai
Barey Zabt Ka 
Mujhey Khoob Rula 
Merey Gumshuda
Yeh Nahi Keh Terey Firaaq Men
Main Ujar Gaii Ya Bikhar Gaii
Han! Muhabaton Pey Jo Maan Tha,
Wo Nahi Raha 
Merey Gumshuda
Mujhey Ilam Hai Keh Tu
Chand Hai Kisi Aur Ka
Magar Ik Pal 
Merey Aasman-E-Hayaat Pey 
Zara Jagmaga
Merey Gumshuda
Terey Itfaat Ki Barishen 
Jo Meri Nahi To Bata Mujhey
Tere Dasht-E-Chah Mein 
Kis Liye Mera Dil Jala 
Merey Gumshuda
Ghaney Jangalon Men Ghiri Huun Main
Bara Ghuup Andhera Hai Chaar Soo
Koi Ik Chiragh To Jal Uthay
Zara Muskura
Merey Gumshuda

Post a Comment
Related Posts Plugin for WordPress, Blogger...
Blogger Wordpress Gadgets