Tuesday, 6 August 2013

Yun To Waqt Ka Marham Saray Zakhm Bharta Hay


Shash-Jehaat Larnay Men Ehtiyaat Lazim Hay
Aag Say Guzarnay Men Ehtiyaat Lazim Hay

Ungliyo'n Pey Kachay Rang Naqsh Chhorr Jaati Hain
Titliyaa'n Pakarnay Men Ehtiyaat Lazim Hay

Munjamid Kinaro'n Par, Aitbaar Mat Karna
Naa'o Say Utarnay Men Ehtiyaat Lazim Hay

Yun To Waqt Ka Marham Saray Zakhm Bharta Hay
Zakham-E-Hijar Bharnay Men Ehtiyaat Lazim Hay

Lehjay Say Bhi Lafzo'n Ki Haee'atain Badalti Hain
Us Say Baat Karnay Men Ehtiyaat Lazim Hay
Post a Comment
Related Posts Plugin for WordPress, Blogger...
Blogger Wordpress Gadgets