Monday, 23 September 2013

Meray saamaan men rakhi hain yaaden


Tera lehja bad'alta ja raha hai
Magar ab dil sanbhalta ja raha hai

Meray saamaan men rakhi hain yaaden
Safar khushbu men dhalta ja raha hai

Diay us aank men jalnay lagay hain
Mera chehra pighalta ja raha hai

Kinaray ab talak tishna hain lekin
Yeh darya rukh badalta ja raha hai

Teray is shehar men khud ko ganwa kay
Musafir haath malta ja raha hai

Agarchay roz mausom bheegta hai
Yeh jungle roz jalta ja raha hai

Post a Comment
Related Posts Plugin for WordPress, Blogger...
Blogger Wordpress Gadgets