Friday 6 June 2014

Mannat

















Jab Tum Shaam-E-Widaa Ka
Aakhri Manzar

Meri Aankho'N Ko Sonp Ker
Duur Ja Chukey Thay

Tou Main Ney Dekha Keh

Meri Qameez K Daaman Per

Tumhari Zulfo'N Ka Ek Baal
Reh Gaya Hay

Main Wo Baal Chuum Ker

Wahi'N Kisi Jhuki Hui Shaakh
Mein Baandh Ker

Apney Tareek Shikast-Khorda
Muqaddar K Saath Laut Aaya Tha

Ab Suna Hay Keh Log

Us Pairr Ki Tehniyo'N Pey

Siyaah Rang K Dhaagey Baandh Ker

Jaaney Walo'N Ki Wapsi Ki Mannat
Maangtay Hain ... !!

No comments:

Related Posts Plugin for WordPress, Blogger...
Blogger Wordpress Gadgets