Tuesday, 28 April 2015

sab mohabbat ka ik pehar hai



yeh ko palkon pay rimJhim sitaaro'n ka maila sa hai
yeh jo teray bina koii itna akaila sa hai
"Zindagi" Teri yaadon say mehka hua shehar hai
sab mohabbat ka ik pehar hai...

saahilo'n pay gharonday banaaey thay Hum nay, Tumhe'n yaad hai?
rang barish men kaisay uraae'y thay Hum nay, Tumhe'n yaad hai..?
jaanay kis k liay ghar sajaa'ey thay Hum nay , Tumhe'n yaad hai..?
koi khushboo ka jhonka idhar aa nikalta kahii'n
guum hai neendo'n k sehra men khawabo'n ka rasta kahii'n
har khushi aatay jaatay huay waqt ki lehar hai
sab Mohabbat ka ik pehar hai...

Zindagii dhoop chaao'n ka ik khail hai, bheer chat'ti nahi
aur isi khail min din guzarta nahi, raat kat'ti nahi
pyaar kartay huay aadmi ki kabhi, umr ghat'ti nahi
dil kee dehleez par aks raoshan Teray naam say
ratJagay aaeeno'n men khile'n hain kahin shaam say
aik darya hai chaaro'n taraf, darmyaa'n behar hai...
sab mohabbat ka ik pehar hai...

Post a Comment
Related Posts Plugin for WordPress, Blogger...
Blogger Wordpress Gadgets