Friday, 11 December 2015

zard december ki sard shaameN agar sataayeN to loat aana



Kabhi yeh aaNkheN udaas ho kar bheeg jaayeN to loat aana 
zard december ki sard shaameN agar sataayeN to loat aana

hum isi jagah par roz aa kar tumhaara rasta takaa kareN gay 
tumhen naye shehar ki naii hawaayeN raas na aayeN to loat aana

kisi ki baateN buri lageN to suno wahaN pay zara na rukna 
kisi ki aaNkheN agar tumhaari haNsi urraayeN to loat aana

naye sapnay lageN na apney to puranay sapnay oarrh lena 
par dooriyoN ki taveel raateN har roz jagaayeN to loat aana

mehak ki rut meN behak kay humdum raastoN ko kho na dena 
wafaa kay jugnu jab bhi tum ko sadaa lagaayeN to loat aana

baadloN meN ghir gaye to hamaari yaadeN tang kareN gi 
jab baarishoN kay shareer mosam dil jalaayeN to liat aana

naey dinoN ki nai khushbu bohat mubaarak ho tum ko lekiN 
gaey dinoN ki puraani yaadeiN lahu rulaaeiN to laot aana

jism aur rooh ka ajeeb bandhan na-jaaney kis dum toot jaaye
suno tumheN hum jo aik pal ko kabhi bulaayeN to loat aana!

Post a Comment
Related Posts Plugin for WordPress, Blogger...
Blogger Wordpress Gadgets