zikr-e-shab-e-firaaq se vehashat usay bhii thii

zikr-e-shab-e-firaaq se vehashat usay bhii thii
merii tarah kisii say muhabbat usay bhii thii


mujh ko bhii shauq thaa naye cheharon kii diid kaa
rastaa badal ke chalane kii aadat usay  bhii thii


us raat der tak vo rahaa mahv-e-guftaguu
masruuf main bhii kam thaa faraaGhat usay bhii thii


suntaa thaa vo bhii sab se puraanii kahaaniyaa.N
taazaa rafaaqaton kii zaruurat usay bhii thii


mujh se bichhaR keshahar men ghul mil gayaa vo shaKhs
haalaaNke shehar bhar se raqabat usay bhii thii


vo mujh se barh k zabt kaa aadii thaa jii gayaa
vernaa har ek saaNs qayaamat usay bhii thii