Farz karo yeh rog ho jhoota Jjhooti peet hamari ho

FARZ karo ham ahl-e-wafa hon,farz karo diwanay hon
farz karo yeh donon baatain jhooti hon afsanay hon
farz karo yeh ji ki bipta ji say jorr sunaai ho
farz karo abhi or ho itni aadhi hum nay chhupaai ho
farz karo tumhen khush kernay k dhoonday hum nay bahanay hon
farz karo yeh nain tumharay such much k maikhanay hon
farz karo yeh rog ho jhoota ,jhooti peet hamari ho
farz karo is jhooti peet main saans bhi ham per bhaari ho
farz karo yeh jog ba joog ka hum nay dhong rachaya ho
farz karo bas yehi haqeeqat baqi sab koch maaya ho