gum gashtaa mohabbat kay khwaaboN ki tarah hai
woh rooh kay sehraa meiN saraaboN ki tarah hai
woh rooh kay sehraa meiN saraaboN ki tarah hai
woh zeest kay maktab meiN nisaaboN ki tarah hai
paRhta hooN usay roz kitaaboN ki tarah hai
paRhta hooN usay roz kitaaboN ki tarah hai
ab un say khayaaloN meiN hi ho jaati heiN baateN
go beech meiN parda sa hijaaboN ki tarah hai
go beech meiN parda sa hijaaboN ki tarah hai
us shakhs kay lehjay meiN sheeshe ki khanak hai
rag rag meiN utarta hai sharaaboN ki tarah hai
rag rag meiN utarta hai sharaaboN ki tarah hai
us shakhs kay paikar meiN hai shaakhoN ki lachak si
us shakhs ka chehraa bhi gulaaboN ki tarah hai
us shakhs ka chehraa bhi gulaaboN ki tarah hai
jo wasl ki raatoN meiN hai ik maah-e-munawwar
furqat meiN wohi shakhs azaaboN ki tarah hai
furqat meiN wohi shakhs azaaboN ki tarah hai
No comments:
Post a Comment