aghaaz sey waqif ho anjaam bhi dekho gey?

pindaar k khoogar ko
nakaam bhi dekho gey?
aghaaz sey waqif ho
anjaam bhi dekho gey?


rangeeni_e_duniya sey
mayoos sa ho jana
dukhta hua dil ley ker
tanhaai main kho jana



tarsi hui nazron ko
hasrat sey jhuka lena
faryad k tukroan ko
aahon main chupa lena



raatoan ki khamoshi main
chup ker kabhi ro lena
majboor jawani k
malboos ko dho lena


jazbaat ki wusa'at ko
sajdoan sey basa lena
bhooli hui yadoan ko
seeney sey laga lena