Ankhon say khwaab dil say tamanna tmam shud

Ankhon say khwaab dil say tamanna tmam shud
Tum kia gaye keh zouq-e-nazara tmam shud

kal teray tishnigan say yeh kia mojeza hua
darya pay hont rakhay to darya tmam shud

dunya to ek barf ki sil say siwa na thi
pohanchi zara jo aanch tu dunya tmam shud


ushaaq par yeh ab kay ajab waqt aa parra
majnu kay dil say hasrat e laila tmam shud

shehr-e-dil-e-tabah main pohanchuun to kuch khulay
kaya bach gaya hay raakh main or kaya kaya tamam shud


hum shehar e jaan men aakhri naghma suna chukay
samjho keh ab hamara tamasha tmam shud

ek yad-e-yaar hi to pas andaaz hay hassan
werna wo kaar-e-ishq to kab ka tmam shud