apnay ghar mai ab bhi

apnay ghar mai ab bhi
meray aasaar baqi hon gay shayad,
wo bachpan ki tehreeren
wo deewaron pay pari tehri mehri lakeeren
ghar ki har shay mai mera lams
mentalpiece pay rakhi gardalood tasveeren
meri sharaarton kay samar,
wo carpet pay parray daagh
shaid wo A-C ka kharaab button
yaad dilatay hon kisi ko meri
par meri umeeden kuch ziada hen,
kuch log iss duniya mai
sab dekhay ko jhutlana
kisi apnay ko bhulana
achhi tarha jantay hen