Bas aik mohabbat kafi hai

Dil par zakham khanay ko
Dard-e-dil nibhanay ko
piyar main mar janay ko
Bas aik mohabbat kafi hai

Ankhon ko aansoo dainay ko
Phir aansoon ko peenay ko
Aur qatra qatra jeenay ko
Bas aik mohabbat kafi hai

Dil ka chain khonay ko
Khoon kay ansoo ronay ko
Aur mar mar k jeenay ko
Bas aik mohabbat kafi hai

Rooh par aaey zakhmon ko
Rista na'soor banan'ay ko
Zehr-e-judai peenay ko
Bas aik mohabbat kafi hai

Ashk dil main bahaanay ko
Chashm-e-nam chupanay ko
Has has k mar janay ko
Bas aik mohabbat kafi hai

Zakham zakham dil say
Aur choor choor rooh say
Phir labon pay muskaan sajany ko
Bas aik mohabbat kafi hai

Jeewan bisat bichanay ko
Phir uss main haar janay ko
Aur qatra qatra mar janay ko
Bas aik mohabbat kafi hai