lamha lamha zawaal ho ga
dard sehna muhaal ho ga
loat aatay hain janay walay
khaam tera khayal ho ga
ab kay toota hai maan aisay
phir na jesay bahaal ho ga
ab bhi badlay hain sirf hindsay
pehlay jesa he saal ho ga
haal e dil mat kisi say kehna
baad men phir malaal ho ga
mar he jaayen gay hijr men hum
gee liya to kamaal ho ga
aaj furqat hai ik haqeeqat
roz e mehshar wisaal ho ga
No comments:
Post a Comment