Dil Hijr Key Dard Sey Bojhal Hai, Ab Aan Milo To Behtar Hai

Dil Hijr Key Dard Sey Bojhal Hai, Ab Aan Milo To Behtar Hai
Is Baat Sey Hum Ko Kya Matlab, Yeh Kaisey Ho Yeh Kyun kar Ho


Ik Bheek Key Dono Kaasey Hain, Ik Pyaas Key Dono Pyasey Hain 
Hum Khaiti Hain Tum Baadal Ho, Hum Nadya Hain Tum Saagar Ho..


Yeh Dil Key Jaltey Seeney Mein, Ik Dard Ka Phora Alhar Sa
Na Gupt Rahey Na Phoot Bahey, Koi Marham Ho Koi Nashtar Ho 


Hum Saajh Samey Ki Chaaya Hain, Tum Charhti Raat Kay Chanderma
Hum Jaatey Hain Tum Aatey Ho, Phir Mail Ki Soorat Kyun kar Ho


Abb Husn Ka Rutba Aali Hai, Abb Husn Sey Sehra Khaali Hai 
Chal Basti Mein Banjara Ban, Chal Nagri Mein Saudagar Ho 


Woh Raatein Chaand Key Saath Gaein, Woh Baatein Raat Key Saath Gaein
Abb Sukh Key Sapney Dekhein Kya, Jabb Dukh Ka Sooraj Sar Per Ho


Abb Insha Ko Bulana Kya, Ab Pyaar Key Deep Jalana Kya
Jabb Dhoop Aur Chaya Aik Sey Hoon, Jabb Din Aur Raat Barabar Ho