Teri yaad vird-e-zubaan huwi, to ajab rung dikha gayi

Teri yaad vird-e-zubaan huwi, to ajab rung dikha gayi
Kabhi ashQ aankh mein aa gaey kabhi aa’h dil mein sama gayi


Yeh jo ek shab ka hijaab hai, isay darmiyan say hata kabhi
Keh taloo-e-subha ki arzoo meri kitni neendain urra gayi


Meray zoq-e-sajda kay saamnay mera koi gham na thehar saka
Wohi ek lamhay ki haazri, meri har khalisH ko mita gayi


Meray ghar say teray ghar tak, ye wohi sunehri gulaab thay
Jinhein ansoo-N ki bahar-e-nau meray raastay maiN bichha gayi


Teray jaaN-gudaz fishaar say meray bam-o-dar bhi laraz gaye
Teri aik jumbish-e-be-sdaa meray jism-o-jaaN ko hila gayi ........