kuch door humaray saath chalo

kuch door humaray saath chalo hum dil kee kahaani keh dein gay
samjhay na jisey tum aankhon sey woh baat zubaani keh dein gay

phoolon kee tarha jab honton pay ik shokh tabasum bikharey gaa
dheeray sey tumharey kaano mein ek baat puraani keh dein gay!

Izhaar-e-wafaa tum kiya jano iqraar-e-wafaa tum kiya jano
hum zikar karen gay ghairon kaa aur apni kahaani keh dein gay

mausam to baraa hee zaalim hai toofan uthaata rehta hai
kuch log magar is hul-chal ko bud-mast jawaani keh dein gay