milay hain dukh jo tumhari chaah men likhoon mein un ka hisaab kesay

kiay hain tum nay sawaal jitnay likhoon mein un ka hisaab kesay

milay hain dukh jo tumhari chaah men likhoon mein un ka hisaab kesay


bina tumharay jo aik pal ko sadiyan kar kay guzara hum nay
kitni sadiyan guzar gaee hain likhoon mein un ka hisaab kesay


yeh pur'khatar hain wafa ki raahen qadam qadam par khaar jaanan!
milay hain jo in say gehray ghaao likhoon mein un ko gulab kesay


tujh ko paanay ki justaju men hum apnay rab ko bhi bhool bethay
woh jitnay sajday qaza huay hain likhoon mein un ka hisaab kesay


tamam harfon say keh do anjum kitab e ulfat abhi na kholain
jo log andhay hain is shehar kay parhain gay dil ki kitab kesay