pighal pighal kay teri hi simat behnay lagti hoon

azaab-e-aatish-e-hijraa’n ko sehnay lagti hoon 
pighal pighal kay teri hi simat behnay lagti hoon

na janay ghar kisay kehtay hain aur makaa’n hai kaya
kabhi kabhi to main tujh men hi rehnay lagti hoon

teri gali men yehi hum kalaam hai mujh men
so gard-e-rah say her ek baat kehnay lagti hoon

chala bhi a’a keh tujhay orrrh kar libas karoon
barhna tun pay tera naam pehnay lagti hoon

teray khayal ki barsat kay tasawur say
main ek kachi haweli hoon dhaynay lagti hoon