hain labraiz aahon say thandi hawaayen
udasi men doobi hui hain ghataayen
muhabbat ki duniya pay sham aa chuki hai
siyah posh hain zindagi ki fizaayen
machalti hain seenay men laakh aarzuyen
tarrapti hain aankhon men laakh iltijaayen
taghaful kay aaghosh men so rahay hain
tumharay sitam aur meri wafayen
magar phir bhi ay meray masoom qaatil
tumhen pyar karti hain meri duaayen
No comments:
Post a Comment