Ab to aankhon mein faqt dhool hay kuch yaadon ki

Kaya khazanay meri jaan,hijr ki shab yaad aaye
Tera chehra,teri aankhain,teray lab yaad aaye,

Aik tu tha jisey ghurbat mein pukara dil ney
Werna bichray hoye ehbaab to sab yaad aaye,

Hum ney maazi ki sakhawat pey jo pal bher socha
Dukh bhi kaya kaya humain yaaron k sabab yaad aaye,

Phool khilney ka mousam meray dil mein utra
Teray bakhshay hoye kuch zakham ajab yaad aaye,

Ab to aankhon mein faqt dhool hay kuch yaadon ki
Hum usay yaad bhi aaye to kab yaad aaye,

Bhool janay mein woh zalim hay bala ka mahir
Yaad aaney pey aaye to ghazab yaad aaye,

Yeh khunk raat yeh naye saal ka pehla lamha
Dil ki khwahish hay keh MOHSIN koi ab yaad aaye...