bichhar kay jeena azaab ho ga to kaya karo gay
qadam qadam par saraab ho ga to kaya karo gay
adawaton ka nisaab ab to parhaa rahay ho
muhabbaton ka nisaab ho ga to kaya karo gay
tumharay lab par sawaal jo bhi machal raha hai
whi hamara jawaab ho ga to kaya karo gay
shajar ki chhaaon mili hui hai sakoon men ho
saron pay jab aaftab ho ga to kaya karo gay
tumhari aankhon men jo basa hai woh khawab taimoor
kisi ki aankhon ka khawab ho ga to kaya karo gay
No comments:
Post a Comment