dayaar-e-noor men teeraa shabon ka sathi ho

dayaar-e-noor men teeraa shabon ka sathi ho
koi to ho jo meri vehshaton ka sathi ho

main us sey jhooth bhi boloon to mujh sey sach boley
merey mizaaj key sab mausamon ka sathi ho

wo merey naam ki nisbat sey mo'atabar thehrey
gali gali meri rusvaiyon ka sathi ho

main us key haath na aaoon wo mera ho k rahey
main gir parroon to meri pastiyon ka sathi ho

wo khwab dekhey to dekhey merey hawaley sey
merey khayalon key sab manzaron ka sathi ho