Itni Muddat Baad Milay Ho!

Itni Muddat Baad Milay Ho!

Kin Sochon Main Gum Rehtey Ho?

Itney Khaayef Kyon Rehtey Ho?
...
Her Aahat Sey Darr Jaatey Ho

Taiz Hawa Ney Mujh Sey Poocha

Rait Pey Kya Likhtey Rehtey Ho? 

Kaash Koi Humsey Bhi Poochey

Raat Gaye Tuk Kyon Jaagey Ho?

Main Darya Sey Bhi Darta Hoon

Tum Darya Sey Bhi Gehrey Ho!

Koun Si Baat Hai Tum Main Aisi

Itney Achey Kyon Lagtey Ho?

Peechey Mur Ker Kyon Dekha Tha

Patthar Ban Ker Kya Taktey Ho?

Jaao Jeet Ka Jashan Manaao!

Main Jhoota Hoon, Tum Suchey Ho

Apne Sheher Key Sub Logon Sey

Meri Khatir Kyon Uljhey Ho? 

Kehney Ko Rehtey Ho Dil Main!

Phir Bhi Kitney Door Kharrey Ho

Raat Humain Kuch Yaad Nahin Tha

Raat Bohot Hi Yaad Aaye Ho

Humsey Na Poocho Hijr Key Qissey

Apni Kaho Ab Tum Kaisey Ho?

Mohsin Tum Badnaam Bohot Ho

Jaisey Ho, Phir Bhi Achey Ho