Qasam Ley Lo

Qasam ley lo….
Tumharey baad
kisi ka khwaab dekha ho
kisi ko hum ney chaha ho
kisi ko hum ney socha ho
kisi ki aarzoo ki ho
kisi ki justujoo ki ho
kisi ki raah dekhi ho
kisi ka qurb manga ho
kisi ko saath rakha ho
kisi sey aas rakhi ho
koi umeed bandhi ho
koi dil mai utaara ho
koi tum sey piyara ho
koi Dil mai basaaya ho
koi apna bnaya ho
koi rootha ho to hum ney
usay ro ro k manya ho
december ki haseen rutt main
kisi ka hijar jheela ho
kisi ki yaad ka mousam
merey aangan mai khela ho
kisi sey baat karney ko
kabhi yeh hont tarsay hon
kisi ki bewafai par
kabhi yeh nain barsay hon
kabhi raaton ko uth uth kar
terey dukh mai na roye hon
Qasam ley lo Tumhare Baad
Hum ik pal bhi soye hon
Qasam ley lo kabhi jugnu
kabhi taara
kabhi mahtaab dekha ho
Qasam ley lo Tumharey Baad
Kisi ka khwaab Dekha ho
Qasam Ley Lo………