Woh Be-Wafa Tha To Phir Itna Meharban Kyun Tha

Ajeeb Khauf Musallat Tha Kal Haweli Par,

Hawa Chiragh Jalati Rahi Hatheli Par,

Sunay Ga Kon Magar Ehtajaj Khushbu Ka,

Keh Saanp Zehar Ugalta Raha Chambeli Par,

Shab-e-Firaaq Meri Aankh Ko Thakan Sey Bacha,

Keh Neend Waar Na Kar Dey Teri Saheli Par,

Woh Be-Wafa Tha To Phir Itna Meharban Kyun Tha,

Bichar K Uss Sey Main Sochun Issi Paheli Par,

Jala Na Ghar Ka Andhera Chiragh Sey MoHsiN,

Sitam Na Kar Yun Meri Jaan !Apnay Baili Par.