yeh chubhan akailaypan ki,yeh lagan udaas shab say

yeh chubhan akailaypan ki,yeh lagan udaas shab say
mein hawa say larr raha hoon tujhay kaya bataaun kab say

yeh sehar ki saazishen theen keh yeh intaqam e shab tha
mujhay zindagi ka suraj na bacha saka ghazab say

teray naam say shafa ho koi zakhm woh ataa kar
mera naama bar milay to usay kehna yeh ad'ab say

woh jawan ruton ki shaamen kahan kho gaeen mohsin
mein to bujh kay reh gaya hoon woh bichhar gaya hai jab say