Apney Pichley Baarah Maah K
Dukh Sukh Ka Andaza Kerna
Guzri Yadien Taaza Kerna
Saada Sa Ik Kaghz Ley Ker
Bhuuley Bisray Pal Likh Laina
Apney Saarey Kal Likh Laina
Phir Us Beetey Ik Ik Pal Ka
Apney Guzrey Ik Ik Kal Ka
Ik Ik Morr Ka ehaata Kerna
Saarey Dost Ikathey Kerna
Saari Subhain hazir Rakhna
Saari Shaamen Pass Bulana
Or ilawa In K Dekho
Saarey Mosam Dhayaan Main Rakhna
Ik Ik Yad Gumaan Main Rakhna
Phir Muhtaat Qayaas Lagana
Gar To Khushiyaan Barh Jati Hain
To Phir Tum Ko Meri Taraf Sey
" Aaney Wala Saal Mubarak "
Aur
Ager Ghum Barh Jaayen To
Mat Be'kaar Takaluf Kerna
Dekho Phir Tum Aisa Kerna
Meri Khushiya Tum Le Laina
Mujh Ko Apney Ghum Dey Dena
Ab K Saal Kuch Aisa Kerna!!!!
No comments:
Post a Comment