Waastaa hussan sey ya shiddat-e-jazbaat sey kya?
ishq ko teray qabeelay ya merii zaat sey kya?
merii masroof tabiyet bhi kahan rok sakkii
wo to yaad aata hai, ussko meray din raat sey kya?
pyass daikhoon , ya karoon fiker keh ghar kachaa hai
soch mein hoon keh mera rishtaa hai barsaat sey kya?
jiss ko khadshaa ho keh marr jayein gey bhookey bachay
Sochiay ussko kissi or key halaat sey kya??
Aaj ussey fiker hai keh log kya kahein gey Mohsin
kal jo kehta thaa mujhey rasm-o-riwayaat sey kya??
No comments:
Post a Comment