kaanptey hont bheegti palkain

Khud ko parhtaa hoon, chhor deta hoon
ek varq roz morr detaa hoon

is qadar zakhm hain nigaahon main
roz ek aaina torr deta hoon

main pujaari barastey phuulon ka
chhu k shaakhon ko chhor deta hoon

kaasa-e-shab men Khuun suraj kaa
qatraa qatraa nichor deta hoon

kaanptey hont bheegti palkain
baat adhuri hi chhor deta hoon

rait k ghar banaa banaa k “Fraz”
jaaney kyun Khud hi torr deta hon