rangoN meN waqt apney tujhey rangta hey kahaaN tak

Dekho to yeh umeedoN ka diya jalta hey kahaaN tak
aaNkhoN meN yeh ik khawab naya palta hey kahaN tak
na'jaaney kis gumaan kay behlaawey meN uljah kar
wo saath to chala aaya hey par chalta hey kahaaN tak

hey naaz bohat zabt pey magar dekhna hey mujh ko
yeh haalaat meN jalta hey to pighalta hey kahaaN tak

log taaq meN beitthey heiN keh dekho to is ka kirdaar
majbooriyoN kay saaNchey meN dhalta hey kahaaN tak

meray tajas'sus-bharey gumaaN ko ab yeh fikr lagi hey
keh rangoN meN waqt apney tujhey rangta hey kahaaN tak

imtehaan teri wafaaoN ka abhi aaya hi nahi hey
dekhaiN gey tuu badalta hey to badalta hey kahaaN tak