Tumhari Chahton K Phool To Mahfooz Rakhey Hen

Yeh Mat kehna Keh teri Yaad Sey Rishta Nahi Rakha
mein Khud Tanha Raha“ Dil Ko Magar Tanha Nahi Rakha

Tumhari Chahton K Phool To Mahfooz Rakhey Hen
Tumhari Nafrtoon K pairr Ko Zinda Nahi Rakha

Meray Gulshan Peh Bhi Aaya Hai Mosam Tang Dasti Ka
Khuda Ka Shukar Hai Us Ney Mujhey Bhooka Nahi Rakha

Faqt yeh Soch kar Dil Ko Barri Taskeen Milti Hai
Keh Mein Ney Apney Chehrey Par Koi Chehra Nahi Rakha

Mein APney Haal Mein Khush Hoon Woh Apney Haal Mein Khush Hai
Keh Hum Miltey To Hen Lekin Rishta Nahi Rakha

Kahin par Naam Hai Tera Kahin Tasveer Hai teri
Kitaab e Zist Ka Koi Warq Saada Nahi Rakha

Koi Bhi Anjuman Ho Bas Tumhara Zikar kartey Hen
Tumhari Yaad Say Ghafil Koi Lamha Nahi Rakha

Na Jannay Dar'bdar phirney Ka Kesa Shok Hai Tujh Ko
Mujhey Yeh To Bata Mujh Mein Kaya Nahi Rakha

Mein Thehra Ajnabi Mujh Ko To Galiyon Men Batakna Tha
Magar Tu Ney Bhi To Koi Dareecha Waa Nahi Rakha

Irshad is Shehar Men Kaya Haadsa Ho Ga Keh Logon Ney
Kahin Pathar Nahi Rakha Shiisha Nahi Rakha