ujaaley apni yaadoN k hamarey saath rehney do

hamara dil savairey ka sunehra jaam ho jaaye
chiraGhoN ki tarha aaNkheN jaleN jab shaam ho jaaye

maiN Khud bhi ehtiyatan us gali sey kam guzarta hooN
koi masoom kyoN meray liye badnaam ho jaaye

ajab halaat they yooN dil ka sauda ho gaya aaKhir
mohabbat ki haveli jis tarha neelaam ho jaaye

samandar k safar meiN is tarha awaaz do hamko
hawasyeN taiz hoN aur kashtiyoN meiN shaam ho jaye

mujhey maloom hai us ka Thikana phir kahaN hoga
parinda aasmaaN chooney meiN jab na'kaam ho jaye

ujaaley apni yaadoN k hamarey saath rehney do
na jaaney kis gali meiN zindagi ki shaam ho jaaye