Yaad Uss Shehar Na Ja!

Yaad Uss Shehar Na Ja!
Kon Jaaney keh Kahan Ghaat Lagi Ho Dukh Ki
Kon Jaaney Kisi Choraahey,Kisi Morr
Kisi Ghar Mein Chupi Baithii Ho Ranjish Koi
Yaad,Uss Shehar Mein Gajron Sey Sajay Haathon Sey 
Dil Dukhta Hay
Yaad,Uss Shehar Mein 
Aankhon k Papotoon Pey Jamey Boson Sey 
Dam Ghut'ta Hay
Yaad,Uss Shehar Mein Gardan Ka Koi Til 
Agar Aansoo Mein Utar Aaya?
Yaad Uss Shehar Na Ja!
Jis Mein Tamannaon Ki Dehleezon Par
Baarishen Aaney Sey Pehlay Hi Judaii Aa Jaye
Yaad Uss Shehar Mein Ab Gham k Siwa Kuch bhi Nahi
Koi Naraz Jo Hua bhi To Bhala Kaya Hoga
Tujh Ko Maloom Hay
Narazgiyan Dard Barhatii Hain
Na Koi Bolay Ga Na Tujh Ko Manaye Ga Koi
Khushk Aankhon k Kisi Tirchay Kinarey Pey Parrey
Dard Bharey Shikwey Ki Chingaari Sey
Dair Tak Tujh Ko Jalaye Ga Koi
Dair Tak Tujh Ko Rulaye Ga Koi
Dair Tak Tujh Ko Sataye Ga Koi
Yaad,Uss Shehar Na Ja!
Yaad Uss Shehar Ki Ujrrii Hui Galiyon Sey Dar Lagta Hay
Kon Jaaney keh Kahan Ghaat Lagi Ho Dukh Ki...!!!