Chashm-e-num teri rawani sey alag rehta hoon,
Aag he aag hoon paani sey alag rehta hoon,

Ghum-shuda hoon dhoond mut mera naam-o-nishan,
Main to her yaad-dehani sey alag rehta hoon,

Tu merey tazkira-e-ishq main kyun rehta hai,
Main to khud apni kahani sey alag rehta hoon,

Phool sey tark-e-talluq ko zamana guzra,
Ab to main teri her nishani sey alag rehta hoon,

Aik sey hain mujhey sub hazir-o-ghayeb,
Main terey alam-e-faani sey alag rehta hoon...!!!