Mujhay tum sey mohabbat ho gayi hay

Shab-e-wehshat ki aadat ho gayi hay
Mujhay tum sey mohabbat ho gayi hay

Kisi ka lams hay keh jis kay hunar sey 
Mukammal sab ibadat ho gayi hay

Siva hai shor-e-dil shor-e-jahaan sey 
Magar ab is say nisbat ho gayi hay

Koi din kay liye deewangi bhi 
Merey dil ko ghanimat ho gayi hay

Bohat bay haal rahay thay magar ab 
Humen hijrat ki aadat ho gayi hay

Gulaab asaar rastay muntazir hain 
Keh mausam ki inaayat ho gayi hay

Zameen sey aasmaan tak roshni hay
Meherban hum pey fitrat ho gayi hay