Suno yeh waqt_e_rukhsat hai,sakoot_e_safr taari hai
Khatm umro'n ka zar,baaqi lamho'n ki rezgaari hai
Suno aankhain to gumsum hain,dilo'n main aah_o_zaari hai
Suno yeh zabt ka mousam nahi,bay ikhtiyari hai
Suno yeh aas ki dori utha lo hath sey meray
Merey hathon men kachey dhaagon ki be aitbari hai
Suno main khuwab ab bhi dekhta hoon dil k kehney sey
Meri aankhon main ab bhi zakhm,dil men beqaraari hai
Suno yeh raaz bhi sun lo keh dil ka khail jitna tha
Yeh baazi tum ney jeeti hai,hamesha ham ney haari hai
Suno tum saath rehtey thay, meri har ek saans mein
Tumharey naam karta hoon jahan jitni guzaari hai
Suno aankhon sey parh lena wo sari an-kahi batain
Koi pochay to keh dena,bohat hi raazdaari hai
Suno palkon pey jitney khuwab they unko utha lena
Meri aankhon pey inka bojh meri taaqat sey bhaari hai
Suno doori sey ghabra kar hamain awaz dey lena
Magar yeh rabta dil ka bashart_e_astawari hai
Suno hum lautney waaley nahi ,sab keh lo sun lo aaj
Bohat hi door jana hai,barri lambi udari hai
Suno yeh waqt_e_ rukhsat hai,suno ye harf_e_aakhir hai
Suno yeh dard hijar ka har ek hijrat sey kaari hai...!!!
No comments:
Post a Comment