Tum Soz-e-Tamana Kaya Jaano

Tum Naghma-e-Mah- o-Anjum ho
Tum Soz-e-Tamana Kaya Jaano
Tum Dard-e-Muhabbat Kaya Samjho

Tum Dil Ka Trapna Kaya Jaano


Kab Dard Barha Kab Hook Uthi
Kab Ashk Baha Kyun Aah Khichii
Tum Gum ho Bahaaron Mein Apni

Tum Gham Ka Fasana Kaya Jaano


IK Mouj-e-Tabasum Honton Par
Ik Naghma Rangeen Aankhon Men
Tum Raqs-e-Surraiya Kaya Samjho

Tum Barbat-e-zohra Kaya Jaano



Tum Rooth Gaye Jab Jab Hum Sey
Hum Tum Ko Mana Hii Laitey They
IK Baar Agar Hum Rooth Gaye

Tum Hum Ko Mana-Na Kaya Jaano


Takhreeb-e-Muhabbat Aasaan Hai
Tameer-e-Muhabbat Mushkil Hai
Tum Aag Lagana Seekh Gaye

Tum Aag Bhujana Kaya Jaano


Tum Door Kharrey Dekha Hii Kiye  

Aur Doobney Wala Doob Gaya
Saahil Hii Ko Tum Manzil Samjhey

Tum Lazt-e-Dariya Kaya Jaano