Jab tassavur mera chupkey sey tujhey choo aaye
Apni har saans sey mujhko teri khushbu aaye
Mashghala ab hai mera chaand ko taktey rehna
Raat bhar chain mujhko na kissi pehlu aaye
Jab kabhi gardash-e-dauraan ney sataya mujhko
Meri jaanib terey phailey huye baazu aaye
Jab bhi socha keh shab-e-hijar Diya na hoga roshan
Mujh ko samjhaney teri yaad k jugnu aaye
Kitna hassaas meri aas ka sanaata hai
Keh khamshi men jahan baandh k ghungru aaye
Mujhko milney sar-e-shaam koi saya sa
Terey aangan sey chaley aur lab-e-juu aaye
No comments:
Post a Comment