Bheegi Hui Aankhon Ka Yeh Manzar Na Milley Ga
Ghar Chhorr K Mat Jaao Kaheen Ghar Na Milley Ga
Phir Yaad Bohot Aaye Gi Zulfon Ki Ghani Sham
Jab Dhoop Men Saaya Koi Sar Per Na Milley Ga
Aansoo Ko Kabhi Aus Ka Qatra Na Samajhna
Aisa Tumhein Chahat Ka Samandar Na Milley Ga
Is Khawaab K Maahol Men Be-Khawaab Hain Aankhein
Jab Neend Bohot Aaye Gi To Bistar Na Milley Ga
Yeh Soch Lo Ab Aakhri Saaya Hai Mohabbat
Is Dar Sey Utho Gi To Koi Dar Na Milley Ga
No comments:
Post a Comment