Jab Raat Ki Tanhaai Dil Ban K Dharakti Hai

Jab raat ki tanhai dil ban k dharakti hai
yaadon k dareechon men chilman si sirakti hai

lauban men chingari jaisay koi rakh jaaey
yun yaad teri shab bhar seenay men sulagti hai

yun payar nahin chhupta, palkon k jhukanay sey
aankhon k lifafon men tehreer chamakti hai

khush rang parindon k laut aanay k din aaye
bichray huway miltay hain jab baraf pighalti hai

shohrat ki bulandi bhi, pal bhar ka tamasha hai
jis daal pey baithay ho, wo toot bhi sakti hai